Það er kominn tími til að fjalla aðeins um eitt af uppáhalds svæðunum mínum, svæði sem mér finnst frekar vanmetið hér heima, ekki bara gæðanna vegna, heldur verðsins vegna. Það vín sem við fáum hingað til lands frá Washington fylki í Bandaríkjunum er með þeim bestu sem svæðið býður upp á, og Chateau Ste. Michelle er eitt af þeim.
Framleiðandinn hefur verið einn af brautryðjendunum á þessu svæði ásamt systur fyrirtæki sínu Columbia Crest og hefur sýnt aftur og aftur að gæðin miðað við verðið er vægt til orða tekið í háum gæðum.
Chateau Ste. Michelle Cabernet Sauvignon 2017, Columbia Valley, er ennþá frekar lokað í nefinu en það er ekki óalgengt í cabernet frá þessu svæði. Það þarf að þyrla glasinu örlítið til að fá bláberja og svarta kirsuberja lykt. Bragðið byrjar svolítið þurrt og tannínríkt en svo kemur sterkt kaffi, sólberja, eikar, vanillu, pipar og papriku bragð. Eftirbragðið er frekar langt, ávaxtaríkt með góðan papriku keim í lokinn. Það má geyma þetta vín í 3-4 ár í viðbót en ég sé engan tilgang þegar þetta er svo gott núna. Tilvalið vín með lambinu um helgina og verðið er gríðarlega gott 3.491 kr.
Stefán Guðjónsson hefur verið viðloðandi vín og vín umfjöllin í mörg ár. Á sínum yngri árum tók hann þátt í ýmsir vínþjónakeppnin hérlendis og meðal annars vann fimm sínum og lenti í öðru sæti fimm sínum af tíu keppnum sem hann tók þátt í. Nánari upplýsingar má finna með því að smella
Davíð Freyr Björnsson sá um hönnun vefsíðunnar. Hann er með B.S. gráður í tölvunarfræði og hagfræði frá Háskóla Íslands og stundar nú nám í Data Science við Chalmers University of Technology í Gautaborg í Svíþjóð. Nánari upplýsingar um hann má finna með því að smella